ဖုန်းပြန်လည်ခေါ်ဆိုရန် Message အခမဲ့ ပေးပို့နိုင်

မိုဘိုင်းဖုန်းဘီလ် လျော့နည်းနေချိန်ဖြစ်စေ၊ ကုန်ဆုံးနေချိန်ဖြစ်စေ မိုဘိုင်းဖုန်း ပြန်လည်ခေါ်ဆိုပေးရန်အတွက် Message အခမဲ့ ပေးပို့နိုင်သည်ဟု Telenor Myanmar က ကြေညာသည်။
အဆိုပါ ဝန်ဆောင်မှုကို အသုံးပြုနိုင်ရန်အတွက် *979# သို့ ခေါ်ဆိုပြီးသည့်အခါ နံပါတ် ၃ ကို ပထမတစ်ကြိမ်နှိပ်၍ နံပါတ် ၂ ကို ဒုတိယတစ်ကြိမ် ထပ်မံနှိပ်ပေးရန် လိုအပ်သည်ဟု သိရသည်။ နံပါတ် ၂ ကို နှိပ်ပြီးသည့်နောက် မည်သည့် မိုဘိုင်းဖုန်းနံပါတ်ကိုမဆို Call Me Back ဟု ရေးသား၍ အခမဲ့ ပေးပို့နိုင်သည်ဟု Telenor က ကြေညာထားသည်။
အခမဲ့ Message ပေးပို့နိုင်သည့် ဝန်ဆောင်မှုကို အသုံးပြုသည့်အခါ မိုဘိုင်းဖုန်းနံပါတ်များကို ရေးသားရာ၌ ၀၉ ဟု ထည့်သွင်းရေးသားရန် လိုအပ်ပြီး အရေးပေါ် ပြန်လည်ခေါ်မှုများ ပြုလုပ်နိုင်ရန် Message ပေးပို့ခြင်းကို အခမဲ့ သတ်မှတ်ပေးထားခြင်းဖြစ်ကြောင်း သိရသည်။