တရုတ် စမတ်ဖုန်းဈေးကွက်တွင် ပထမဦးဆုံးအကြိမ် ထိပ်ဆုံး၌ ရပ်တည်နိုင်ခဲ့သည့် Apple

Apple သည် တရုတ်နိုင်ငံ၏ စမတ်ဖုန်းဈေးကွက်တွင် ထိပ်ဆုံးနေရာ၌ ပထမဦးဆုံး အကြိမ်အဖြစ် ရယူထားနိုင်ခဲ့ကြောင်း သုတေသနကုမ္ပဏီ Canalys မှဖော်ပြခဲ့သည်။

အဆိုပါ သုတေသနကုမ္ပဏီ၏ အဆိုအရ ၂၀၁၄ ခုနှစ် စတုတ္ထလေးလပတ်အတွင်း တရုတ်နိုင်ငံတွင် iPhone 6 နှင့် iPhone 6 Plus များ ပိုမိုရောင်းချခဲ့ရသောကြောင့် Apple က ထိပ်တန်း စမတ်ဖုန်းကုမ္ပဏီအဖြစ် ရပ်တည်နိုင်ခဲ့ကြောင်း စစ်တမ်းတွင် ဖော်ပြထားသည်။ တရုတ်နိုင်ငံတွင် စမတ်ဖုန်းတင်ပို့ရောင်းချမှုတွင် Apple ၏နောက်၌ Xiaomi, Samsung နှင့် Huawei တို့က အစဉ်လိုက် ရပ်တည်လျက်ရှိသည်။ Apple သည် တရုတ်နိုင်ငံတွင် ဈေးနှုန်း အလွန်အမင်း ကြီးမြင့်သည့် ဖုန်းအဖြစ် သတ်မှတ်ထားခံရပြီး ဝယ်ယူရန် ခက်ခဲသည့် အချိန်များလည်း ရှိခဲ့သည်။ တရုတ်နိုင်ငံအတွင်းရှိ LTE နှင့် မျက်နှာပြင်ကြီးမားသော ဖုန်းများ ရေပန်းစားမှုသည် ဒေသတွင်း အရှိန်အဝါကြီးသည့် Xiaomi ကိုကျော်ဖြတ်ရန်အတွက် Apple ၏အောင်မြင်မှု သော့ချက်ဖြစ်ကြောင်း Canalys မှပြောဆိုခဲ့သည်။

လက်ရှိတွင် Samsung သည် တရုတ်နိုင်ငံတွင် အောင်မြင်မှုရရှိရန် ရုန်းကန်နေရသလို ကမ္ဘတစ်ဝန်း စမတ်ဖုန်းတင်ပို့ ရောင်းချမှုနှုန်းလည်း လျော့ကျလျက်ရှိသည်။ Xiaomi သည် ၂၀၁၄ ခုနှစ် ဒုတိယလေးလပတ်တွင် တရုတ်နိုင်ငံ၏ စမတ်ဖုန်းဈေးကွက်၌ Samsung ကိုကျော်ဖြတ်၍ ဦးဆောင်နိုင်ခဲ့သည်။

Canalys အနေဖြင့် Apple ၏ တရုတ်နိုင်ငံသို့ စမတ်ဖုန်းအလုံးရေ မည်မျှတင်ပို့ခဲ့ကြောင်းကို စစ်တမ်းတွင် ဖော်ပြထားခြင်းမရှိပေ။ သို့သော်လည်း Apple သည် ခရစ္စမတ်ကာလ လေးလပတ်အတွင်း ရောင်းချခဲ့ရသည့် စမတ်ဖုန်း အလုံးရေများကို ထုတ်ပြန်ခဲ့သည်။ လေ့လာဆန်းစစ်သူ အချို့က Apple သည် ကမ္ဘတစ်ဝန်းတွင် iPhone သန်း ၆၀ ကျော်ခန့် တင်ပို့ရောင်းချနိုင်ဖွယ်ရှိကြောင်း ယခင်စစ်တမ်းများ အပေါ်တွင် အခြေပြု၍ ခန့်မှန်းခဲ့ကြသည်။

Ref: Idownloadblog